"Эфиопия ҳаво йўллари" ширкатига қарашли самолёт ҳалокатга учради ва унинг бортида бўлган 157 кишининг барчаси ўлган, деб хабар қилинмоқда.
Ширкатнинг маълум қилишича, самолёт якшанба куни эрталаб Аддис-Абеба аэропортидан кўтарилганидан бироз ўтиб, қулаган.
Охирги хабарларга кўра, самолёт бортида 33 давлат ватандошлари бўлган. Ўлганларнинг 149 нафари йўловчи, 8 нафари экипаж аъзосидир.
Самолёт Кения пойтахти Найробига учаётган эди.
Ҳозирча ҳалокат сабаблари номаълум.
Flightradar24 сайтига кўра, ЕТ302 рейси билан учаётган "Боинг-737" русумидаги самолёт ҳавога кўтарилганидан 6 минут ўтиб, 3 километр баландликда радардан ғойиб бўлган.