"Тошкент-Қарағанда-Остона" йўналиши бўйича 10 мартдан бошланган атобус қатнови кунига 4 марта амалга оширилади.
Tashtrans.uz Telegram каналида маълум қилинишча, автобуслар Тошкентдан маҳаллий вақт билан соат 12:00, 14:00, 16:00 ва 18:00да йўлга чиқади. Қозоғистон пойтахти Остонадан эса 15:00, 16:00, 17:00 ва 18:00да йўлга чиқади.
Йўлга кетадиган вақт 27 соат 30 дақиқа, масофа 1 минг 650 километр.
Шунингдек, йўл нархи ҳам маълум қилинди: Тошкентдан Қарағандагача 260 минг сўм, Остонагача эса 312 минг сўм.
Қатнов Ўзбекистоннинг Uzautotrans Service МЧЖ ташкилоти ва Қозоғистоннинг KazAvtoTrans корхонаси ҳамкорликда йўлга қўйилган.
Бу қатнов президент Мирзиёевнинг ўтган йил 5 мартда имзолаган "Ўзбекистон Республикаси фуқароларининг вақтинчалик меҳнат фаолиятини амалга ошириш учун республика ташқарисига транспортда чиқиш вақтида хавфсизлигини таъминлаш чора-тадбирлари тўғрисида"ги қарорига асосан йўлга қўйилди.