Эфиопияда қулаган учоқда 35 давлат фуқароси бўлган. Бу ҳақда Кения транспорт вазири Жеймс Мачария 10 март куни Найробида ўтган матбуот анжуманида маълум қилди.
-Ҳалок бўлганлар орасида энг кўпи, кутилганидек, Кения фуқаролари бўлиб чиқди. Самолётдаги 149 йўловчидан 32 нафари кениялик бўлган. Шунингдек, Канаданинг 18, Хитойнинг 8, Нидерландиянинг 5, Мисрнинг 6, Эфиопиянинг 9, Франция ва Британиянинг 7 нафардан, Ҳиндистоннинг 4, Италиянинг 8, Словакиянинг 4 ва АҚШнинг 8 нафар фуқароси бўлган,-деди вазир.
10 март куни "Эфиопия ҳаво йўллари" ширкатига қарашли самолёт ҳалокатга учрагани ва унинг бортида бўлган 149 йўловчи ҳамда экипажнинг 8 аъзоси, жами 157 киши ўлгани хабар қилинган эди.
Ширкатнинг маълум қилишича, самолёт якшанба куни эрталаб Аддис-Абеба аэропортидан кўтарилганидан бироз ўтиб, қулаган.
Самолёт Кения пойтахти Найробига учаётган эди. Ҳозирча ҳалокат сабаблари номаълум.