Брюсселда Европа Иттифоқига аъзо давлатлар раҳбарлари Британиянинг иттифоқдан чиқиш муддатини ортга суриш масаласида икки кунлик саммитга йиғилдилар. Аввалроқ Британия Бош вазири Тереза Мэй Брекзит муддатини 30 июнгача узайтириш илтимоси билан Европа Иттифоқига мурожаат қилган эди.
Тереза Мэй саммит доирасида Франция президенти Эммануэл Макрон ва Европа Кенгаши раиси Дональд Туск билан учрашади.Макрон журналистларга бўлажак учрашув ҳақида маълумот берар экан:
-Мен бу ерга қандайдир сиёсий тузумга баҳо бериш учун келганим йўқ. Мен бу ерга Британия халқи танловини, Британия бош вазири ва парламенти қилаётган ишларни ҳурмат қилганим учун келдим. Лекин бу масалада аниқ режага эга бўлиш лозим,-деб айтди.
Дастлаб, Британиянинг Европа Иттифоқидан чиқиш муддати 29 март деб белгиланган эди. Бироқ Британия параламенти ҳукуматнинг Европа Иттифоқи билан эришган шартномаси асосида ишлаб чиқилган Брекзит режасини тасдиқлашдан бош тортиб келаётир.
Тереза Мэй Европа Иттифоқи Брекзит муддатини ортга суришга рози бўлса, Британиянинг иттифоқдан чиқиши юзасидан режа парламентда қабул қилинишига эришини айтмоқда.