НАТО Бош котиби Йенс Столтенберг ташкилот жорий ҳафтада Россия ядровий қуролларни назорат қилиш шартномасини бузаётгани ва Қора денгизда агрессив ҳаракат қилаётганига жавобан амалга ошириладиган чора-тадбирларни муҳокама қилишини айтди:
-Пайшанба, 4 апрель куни НАТО ва Россия ўртасидаги муносабатларни муҳокама қилишга киришамиз. Россия ўртача масофага отиладиган ядровий ракеталар тўғрисидаги шартномани бузишда давом этмоқда ва янги SSC-8 ракетасини ишлаб чиқиб, жойлаштирмоқда. Бу ракетани аниқлаш жуда қийин, бу эса барчамизнинг хавфсизлигимизга зарба бермоқда. Россия бизнинг шартномага амал қилиш чақириқларимизни эътиборсиз қолдириб келмоқда,- деди Столтенберг.
НАТОга аъзо давлатлар мудофаа вазирлари 4 апрель куни Вашингтонда учрашадилар. Бу ерда НАТОни ташкил этиш тўғрисидаги Вашингтон шартномасининг 70 йиллиги нишонланади.