1 апрель куни Британия парламенти мамлакатнинг Европа Иттифоқидан расмий келишув билан чиқишини таъминловчи таклифларнинг барчасини рад этди.
Бунинг ортидан ЕИнинг Лондон билан сўзлашувлардаги бош музокарачиси Мишель Барнье Британиянинг келаси ҳафта иттифоқдан келишувсиз чиқиш эҳтимоли кучайганини билдирди.
- Келишувсиз чиқиш биз истаган сценарий эмас эди. Аммо жорий вазиятда иттифоққа кирувчи 27 давлат шунга тайëр¸ деди Брюссель музокарачилари раҳбари.
2 апрель куни Британия Бош вазири Тереза Мэй Брекзит бўҳрони олдини олиш учун тўхтовсиз мажлис ўтказмоқда.
Қарийб уч йиллик музокаралар якунида Мэй ҳукумати ЕИ билан эришган келишув ҳозирга қадар Британия парламенти томонидан уч марта рад этилди.
Брюссель¸ қайта-қайта кўриб чиқилган бу келишувнинг якуний экани ва Британия парламенти уни маъқулламаса¸ бошқа келишув бўлмаслигини айтмоқда.
Британия парламенти ва ҳукуматига иттифоқдан келишув ëки келишувсиз чиқиш учун берилган муҳлат 12 апрель куни тугайди.