Вашингтонда 3 -4 апрель кунлари НАТО ташкил этилганининг 70 йиллиги муносабати билан икки кунлик саммит ўтказилади. Саммитда НАТОга аъзо 29 давлат мудофаа вазирлари иштирок этади.
Аввалроқ НАТО Бош котиби Йенс Столтенберг 4 апрелдаги йиғилишда Россия билан муносабатлар масаласи муҳокама қилинишини билдирган эди.
Саммит арафасида 2 апрель куни АҚШ президенти Дональд Трамп Оқ уйда НАТО Бош котиби Йенс Столтенбергни қабул қилди.
-Узоқ йиллар давомида иттифоқчилар мудофаа бюджетини қисқартириб келган эдилар. Бугунги кунда эса мудофаага ажратилаётган маблағ миқдори кўпаймоқда. 2020 йилнинг охирига келиб, НАТОга аъзо давлатлар мудофаа бюджетини юз миллиард долларга кўпайтиради, - деди Столтенберг Трамп билан учрашуви чоғида.
1949 йилнинг апрелида 12 давлат аъзо бўлган НАТО – Шимолий Атлантика шартномаси ташкилоти ташкил этилган эди. НАТОни ташкил этиш бўйича шартнома Вашингтонда имзоланган.