Англияда “Новичок” моддасидан заҳарланиб, тирик қолган Чарли Роули бир одам ўлимига, ҳамда тўрт бошқа одам жиддий касал бўлишига сабаб бўлган заҳарлашлар ҳақида сўраш учун Россиянинг Буюк Британиядаги элчиси билан учрашди.
Ўтган йилнинг июнь ойида Британия фуқаролари Роули ва унинг дугонаси Дон Стёржесс Солсбери шаҳри яқинида заҳар қолдиғи солинган атир идишидан заҳарланиб, касал бўлиб қолган эди. Натижада Стёржесс ҳалок бўлди, аммо Роули умри сақлаб қолинди.
Учрашувни уюштирган Sunday Mirror газетаси билан суҳбатда Роули Россия элчисидан ҳамкорини нима учун ўлдиришганини сўраш учун борганини, аммо бирор тайин жавоб олмаганини айтди.
- Бўлгани Россия пропагандасини олдим, - деди у.
Ўтган йилда Британияда собиқ рус жосуси Сергей Скрипаль ва унинг қизи совет олимлари томонидан ишлаб чиқилган асабни фалажловчи “Новичок” моддаси билан заҳарланган эди. Аммо уларнинг умри сақланиб қолинди.
Британиялик прокурорлар Руслан Боширов ва Алексадр Петров исмли икки нафар россияликни Скрипаль билан қизини “Новичок” гази билан заҳарлашда айблаган.