Брюсселда ўтган саммитда Европа Иттифоқи лидерлари Британиянинг иттифоқдан чиқиш, яъни Брекзит муддатини 31 октябргача узайтиришга розилик билдирди. Бу ҳақда Европа кенгаши президенти Дональд Туск 11 апрель куни маълум қилди.
Британия Бош вазири Тереза Мэй Европа Иттифоқидан чиқиш муддатининг 6 ойга кечиктирилишидан Лондон унумли фойдаланади, деб айтди:
-Мен ҳали ҳам Британия учун иттифоқдан келишилган асосларда ва белгиланган тартибда чиқиш энг яхши йўл деб ҳисоблайман. Брекзит 2016 йил 23 июнда ўтказилган референдум натижаларини ҳурмат қилишга асосланиши лозим, - деди Тереза Мэй.
Британия парламенти ва ҳукуматига иттифоқдан келишув ëки келишувсиз чиқиш учун берилган аввалги муҳлат 12 апрель куни тугайди.
Дастлаб, Британиянинг Европа Иттифоқидан чиқиш муддати 29 март деб белгиланган эди. Бироқ Британия параламенти ҳукуматнинг Европа Иттифоқи билан эришган шартномаси асосида ишлаб чиқилган Брекзит режасини тасдиқлашдан бош тортиб келаётир.