Wikileaks асосчиси Жулиан Ассанжнинг Лондондаги Эквадор элчихонасида ҳибсга олинишини Россия журналист ҳуқуқининг бузилиши сифатида эътироф этди.
-Ассанжнинг тақдири фақат бугунги куннингина саволи эмас. Унинг тарихи, унинг қувғин ва таъқиб қилиниши, яшаши учун ноинсоний шароитларнинг яратилиши сўз эркинлиги ҳамда ахборотни тарқатиш ҳуқуқига нисбатан ҳиёнатдир. Бу журналистлар ҳуқуқига берилган зарбадир,- деди Россия ташқи ишлар вазирлиги расмий вакили Мария Захарова.
Айни пайтда Россияда журналистлар ҳуқуқи, сўз эркинлиги ва матбуот ҳуқуқлари мунтазам бузилаётганини халқаро ташкилотлар таъкидлаб келадилар.
Швед прокурорлари 2010 йилда икки аëлга жинсий тажовуз қилганликда айблаётган Жулиан Ассанж 7 йил олдин Швецияга экстрадиция этмасликлари учун Лондондаги Эквадор элчихонасидан бошпана олганди.
Швеция прокуратураси 2017 йилда мазкур сўровдан воз кечди¸ аммо Британия ҳуқуқ тизимларининг 2012 йилги гаров шартларини бузганликда айбланаëтган Ассанжни ҳибсга олиш ордери ҳамон кучда қолаётган эди.
Лондон суди 11 апрель куни Ассанжни 2012 йилда судга келмаганликда айбдор деб топди.
Айни пайтда¸ Қўшма Штатлар Жулиан Ассанжни АҚШ махфий ҳужжатларини Wikileaks орқали ëйинлаганликда айбламоқда ва унинг ўз ихтиëрига топширилишини талаб қилмоқда.