Исроил босиб олинган Ғўлон тепаликларида қуриладиган яҳудий қишлоғига АҚШ президенти Дональд Трамп номи берилишини маълум қилди.
Исроил Бош вазири Бинямин Нетаняҳунинг 23 апрель куни Твиттерда ёзишича, бу Исроилнинг Ғўлон тепаликлари устидан суверенитетини тан олиш тўғрисида “тарихий қарорни қабул қилган” Трампга миннатдорчилик билдиришдир.
Исроил 1967 йилда олти кунлик уруш натижасида Сурияга қарашли 1800 квадрат километрли Ғўлон тепаликларини босиб олган эди. 1981 йилда Исроил Ғўлон тепаликларини аннексия қилганини расман билдирган. Халқаро ҳамжамият бу аннексияни тан олган эмас.
Шунга қарамай, президент Дональд Трамп 25 март куни АҚШ Ғўлон тепаликларини Исроил ҳудуди деб тан олиш тўғрисидаги қарорни имзолади.