Москвада таниқли журналист, “Говорит Москва” радиоси раҳбари Сергей Доренко ҳалок бўлди. Хабарларга қараганда, Доренко мотоцикл ҳайдаб кетаётганида ўзини ёмон ҳис қила бошлаган ва бошқарувни эплолмай ерга қулаган. У касалхонада хушига келмай жон берган.
Сергей Доренко 59 ёшда эди. 1959 йилда Керчь шаҳрида ҳарбий оиласида туғилган Сергей Доренко 1985 йилдан телевидениеда ишлай бошлаган.
У СССР телевидениесининг машҳур бошловчиларидан бири бўлган. 1999 йилда Сергей Доренко Россия Биринчи телеканалида бошловчи бўлиб ишлаган ва парламент сайловлари арафасида "Отечество – вся Россия" блокини кескин танқид қилган. Мазкур блок сайловларда ютқазган ва Доренкога “телекиллер” деган лақабга эга бўлган эди.
Сергей Доренко 2000 йилнинг 2 сентябрида Курск атом сув ости кемаси ҳалокати ва бу фожиада президент Путиннинг роли ҳақидаги лавҳани намойиш этгач, ОРТ эфиридан маҳрум қилинган.
2004 йилда Киевдаги Евромайдон воқеаларида нутқ сўзлаган Доренко “Эртами-кечми биз ҳам Москвада бу ерда бўлаётган воқеани содир этамиз”, деб гапирган.