АҚШ президенти Дональд Трамп Хитойни Вашингтон билан тез орада савдо шартномасини имзолашга чақирди. Трамп шартномани имзолаш муддатини АҚШда янги президентлик сайлови ўтгунига қадар чўзишликка ҳаракат қилиш ақлсизлик эканини, чунки навбатдаги сайловда ўзи ғалаба қилишини таъкидлади.
10 май куни АҚШ ҳукумати умумий қиймати 200 миллиард доллардан ортиқ бўлган Хитойдан экспорт қилинган маҳсулотларга бож солиғини 10 фоиздан 25 фоизга кўтарган эди. АҚШ бу тўлов миқдорини янада ошириши мумкинлигини билдирмоқда.
Айни пайтда Дональд Трамп Хитой шартномани имзолаган тақдирда ва муайян шартларда бож солиғи миқдори пасайтирилиши мумкинлигини ҳам таъкидламоқда.