Жанубий Корея пойтахти Сеулда ҳалок бўлган ўзбекистонлик талаба Фаррух Мўминовнинг жасади 11 май куни ватанига олиб келинди.
Ташқи ишлар вазирлигининг 12 май куни билдиришича, 23 ёшли ўзбекистонлик 9 май куни квартирада чиққан ёнғин оқибатида ҳалок бўлган.
Ўзбекистонлик яна бир талаба – 22 ёшли Мутал Йўлдошев иккинчи даражали куйиш жароҳатларини олган ва касалхонага ётқизилган. Жанубий Кореяга унинг отаси ва акаси жўнаб кетди.
Айни пайтда ёнғин сабабларини ўрганиш юзасидан тергов ҳаракатлари олиб борилмоқда. Мазкур тергов жараёни Жанубий Кореядаги Ўзбекистон эчихонаси назоратига олинган.