Ўзбекистонда Бош вазирнинг тадбиркорлар мурожаатларини кўриб чиқишга ихтисослашган қабулхоналари ташкил этилади. Бу ҳақда президентнинг "Тадбиркорлик фаолиятини қўллаб-қувватлаш ва ҳимоя қилиш тизимини тубдан такомиллаштириш чора-тадбирлари тўғрисида"ги фармонида кўрсатма берилди.
Мазкур қабулхоналар маҳаллий тадбиркорлар ва хориж инвесторларини, жумладан, видеоконференцалоқа воситасида ҳам қабул қилади. Бундан ташқари жой-жойларда сайёр қабуллар ўтказилади.
Қабулхоналар тадбиркорликнинг ривожланишига тўсқинлик қилаётган муаммоларни ўрганиб, уларни бартараф этиш, тадбикорлар ва инвесторларнинг қонуний ҳуқуқларини ҳимоя қилишга қаратилган фаолиятни олиб боради.