Исроилда “Евронигоҳ-2019” халқаро танловининг 14 майда ўтган биринчи ярим финалида ғолиб чиқиб, финалга йўлланма олган давлатлар вакиллари аниқланди.
18 майда ўтадиган финалга 10 давлат - Греция, Беларус, Сербия, Кипр, Эстония, Чехия, Австралия, Исландия, Сан-Марино ва Словения чиқди.
Черногория, Финляндия, Польша, Венгрия, Бельгия, Грузия, Португалия ўтмай қолди.
Танловнинг иккинчи ярим финали 16 май куни бўлиб ўтади. Унда финалга чиқиш учун 18 давлат вакиллари курашади. Финал эса 18 май куни ўтказилади.
“Евронигоҳ-2019” Тель-Авив шаҳрида бўлиб ўтмоқда. Танлов ўтказилиши муносабати билан шаҳарда хавфсизлик чоралари кучайтирилди. Тель-Авивни бир ҳафта мобайнида 20 минг полициячи назорат қилади.