Тайван парламенти айни жинсдаги эркак ва аëлларнинг никоҳдан ўтишини легаллаштирувчи қонунни қабул қилди.
Депутатлар муҳокамага қўйилган уч лойиҳадан энг прогрессив деб кўрилганини маъқулладилар. Тайван гейлар никоҳи легаллаштирилган биринчи Осиë давлати бўлди.
Янги қонун¸ бир хил жинсли оилаларнинг бола асраб олишига ҳам рухсат беради ва президент Цай Инвэнь қўл қўйганидан сўнг кучга киради.
Мамлакат Конституциявий суди 2017 йили асосий қонунга мувофиқ гейларнинг никоҳ ҳақига эга экани тўғрисида қарор чиқарган ва парламентга қонунчиликка тегишли ўзгартиш киритиш учун икки йил муҳлат берган эди.
Айни пайтда¸ Осиëнинг бошқа давлати – аксарият аҳолиси мусулмон бўлган Брунейда апрель ойида гомосексуаллар учун ўлим жазоси белгиланди.
Бу қарор халқаро майдонда кескин қораланиб¸ Ҳолливуд юлдузлари Бруней султонига қарашли АҚШ ва Британиядаги меҳмонхоналарни бойкот қилганидан сўнг¸ султон гейлар учун ўлим жазоси берилишини тўхтатишга мажбур бўлди.