Туризмни ривожлантириш давлат қўмитасининг Ўзбекистон ҳудудида меҳмонхона хизмати кўрсатиш тартибига оид Низомини тасдиқлаш қарори 20 май куни Адлия вазирлигида рўйхатдан ўтказилди.
Беш бобдан иборат Низомга кўра¸ Ўзбекистон ҳудудида “меҳмонхона хизматлари яшаш жойи (прописка)¸ фуқаролик¸ жисмоний шахсларнинг қариндошлик ва никоҳ муносабатлари¸ шунингдек¸ шахсий ҳаëт ҳуқуқини чекловчи бошқа омиллардан қатъий назар кўрсатилиши лозим”.
Бу Низом лойиҳасида меҳмонхоналардан бир номерда қолмоқчи бўлган эркак ва аëлдан никоҳ гувоҳномасини сўраш ва мижозлар “ғайриахлоқий ҳаракатлар”да гумонланган тақдирда¸ уларга хизмат кўрсатишни рад этиш ва бу ҳақда ички ишлар тизимига хабар бериш қоидасини киритиш таклиф қилинган эди.
20 майдан кучга кирган Низомга бу шартларнинг киритилмагани¸ ҳуқуқшунослар томонидан¸ ҳужжатнинг меҳмонхона хизматлари кўрсатиш ва шахсий ҳаëт дахлсизлигини ҳурматлашга оид халқаро стандартларга мувофиқлаштирилгани сифатида талқин этилмоқда.
Низомга кўра¸ 16 ëшгача бўлганларга меҳмонхона хизматлари "улар билан бирга бўлган ота-оналари (қонуний вакиллари) ëки ҳамроҳлик қилаëтган бошқа шахсларнинг фуқаролик паспорти ëки шахсини тасдиқловчи бошқа ҳужжати"¸ ҳамда вояга етмаганларнинг туғилганлик ҳақидаги гувоҳномаси ëки паспорти асосида амалга оширилади.