Қозоғистоннинг Жамбил вилояти маркази Тараз шаҳридаги кўп қаватли уйлардан бирида чиққан ёнғинни ўт ўчирувчилар бир неча соат давомида ўчиришга муваффақ бўлдилар.
Расмий маълумотда айтилишича, ёнғин тўғрисида 30 май куни соат 19дан 38 дақиқа ўтганида хабар келган. Ёнғин соат 22:10да ўчирилган. Ёнғин оқибатида кўп қаватли уйнинг 1200 квадрат метри ениб кетган. Ёнғинни ўчириш учун 62 ўт ўчирувчи жалб қилинган.
Мазкур уйда 350 одам яшаган. Ёнғин пайтида уйда бўлган 171 одам, жумладан, 20 нафар бола эвакуация қилинди. Расмийлар ҳалок бўлганлар ва жабрланганлар бўлмаганини айтмоқда.