АҚШнинг Виржиния штатидаги Виржиния-Бич шаҳри мэриясига жума оқшомида шу муниципалитет ходими тўппонча ва ярим автомат милтиқ билан бостириб кириб ўт очиши оқибатида камида 12 киши ҳалок бўлди.
Ўт очган шахс полиция билан отишма чоғида ўлдирилди. Яраланган 4 киши касалхонага ётқизилди.
ОАВ хабарларига қараганда, жиноятни содир этганликда 40 яшар Дэуйн Крэддок гумон қилинмоқда. Унинг ҳаракатлари мотивлари ҳозирча номаълум.
Дэуйн Крэддок ўт очган пайтда мэрия биносида 400 га яқин киши бўлган. Полицияга кўра, ўлдирилганлардан бирининг жасади бино яқинидаги машинадан, қолганлар бинонинг 3 қаватидан топилган.
“Бугун Вирджиния-Бич тарихидаги энг даҳашатли кун бўлди”, - деди шаҳар мэри Бобби Дайер.