Саудия Арабистонининг Saudi Aramco ширкати Россиянинг “Лукойл” ширкати билан Ўзбекистондаги икки газ лойиҳасида биргаликда ишлашга қизиқиш билдирмоқда. Бу ҳақда РИА Новости агентлиги Россия-Саудия ҳукуматлараро комиссияси мажлисининг якуний баённомасига таянган ҳолда хабар тарқатди.
Ўз навбатида “Лукойл” Саудиянинг нефть ширкати билан халқаро лойиҳалар ва тадқиқотларда бирга ишлашга умид қилмоқда.
Маълумотларга кўра, “Лукойл”нинг Ўзбекистонда газ қазиб олиш лойиҳалари ҳажми йилига 16 миллиард куб метрдан ошади. Россия ширкати Ўзбекистонда амалдаги лойиҳаларга 2 миллиард доллар сармоя киритиши, шунингдек, янги блокларда разведка ишларини олиб бориши кўзда тутилган. “Лукойл” Ўзбекистонда 15 йилдан бери фаолият юритиб келади.
Саудиянинг Saudi Aramco давлат нефть ширкати 2018 йил якунларига кўра жаҳондаги энг сердаромад ширкатлардан бирига айланган. Унинг соф даромади достигла 111,1 миллиард АҚШ долларига етган. Saudi Aramco “Лукойл” билан биргаликда Lukoil Saudi Arabia Energy Ltd. (LUKSAR) деб номланган қўшма корхона тузган.