Бугун 2016 йилги АҚШ президенти сайловига Россиянинг аралашувини тергов қилиб келаётган АҚШ махсус прокурори Роберт Мюллер Конгрессда кўрсатма бериши кутилмоқда.
Бундан уч ой олдин Мюллер икки йилча давом этган тергов натижаларини эълон қилган эди. Мюллер гуруҳи АҚШ разведкасининг Россия Дональд Трамп ғалаба қозонган сайловга аралашгани ҳақидаги хулосаларини тасдиқлади.
Мюллер 24 июль куни аввал Конгресснинг Вакиллар палатаси юридик кенгашида, сўнгра Разведка қўмитасида кўрсатма беради. Мюллер кўрсатмаси давомида қизғин саволлар берилиши ва кўрсатмалар ўз якунига етганидан кейин, Трамп ва унинг тарафдорлари ҳамда президентга қаршилар турли муносабат билдириши кутилмоқда.
Вакиллар палатаси юридик кенгаши раиси Жерролд Надлер якшанба куни берган интервьюсида:
- Ҳисоботда президент жиддий жиноят ва қонунбузарликларга қўл урганини кўрсатувчи кўпгина далиллар келтирилган. Мюллер бу фактларни Америка халқига тақдим этишига йўл очиб беришимиз керак. Кейин эса қандай чора кўришни ўйлаб кўрамиз, - деди.