Хорватия полицияси пойтахт Загребда 1 август куни олти кишини отиб ўлдирган шахсни қидиришда давом этмоқда.
Жиноятда отиб ўлдирилганлардан бирининг собиқ эри гумон қилинмоқда. Полициянинг билдиришича, у уйга бостириб кирган ҳамда собиқ хотини, унинг янги эри ва оиланинг тўрт аъзосини отиб кетган.
Ўқ овозини эшитган қўшнилар полиция чақирганлар. Полиция уйдан икки эркак, уч аёл ва бир боланинг жасадини топган. Оила аъзоларидан фақат 7 ойлик чақалоққина тирик қолган.
Полиция пойтахтни қамал қилди ва барча йўллар ҳамда кўприкларни қаттиқ назоратга олди.