Хабарларга кўра, бугун Афғонистон пойтахти Кобулнинг элчихоналар, давлат идоралари ҳамда НАТОнинг маҳаллий штаби жойлашган қисмида автомобилга ўрнатилган бомба портлаган, натижада камида 3 нафар одам ҳалок бўлган, 12 одам жароҳат олган.
5 сентябрь куни эрталаб амалга оширилган ҳужум учун масъулиятни Толибон ўз бўйнига олди. Бу жорий ҳафтада Кобулда амалга оширилган иккинчи йирик бомба ҳужумидир.
Хабарларга кўра, АҚШ, Толибон ҳамда Афғонистон ҳукумати расмийлари жорий ҳафтада мамлакатда 18 йиллик урушни тугатиб, тинчлик ўрнатиш бўйича олиб борилаётган музокараларнинг якуний босқичини ўтказмоқда.
Афғонистон ички ишлар вазирлиги матбуот котиби Насрат Раҳимий портловчи моддалар ўрнатилган минибус Шаш Дарак туманида маҳаллий вақт билан соат 10:10 да портлаганини маълум қилди. Хабарларга кўра, нишонга олинган назорат пункти НАТО биноларининг бирига жуда яқиндир.