АҚШ Давлат ҳамда Молия департаментлари 4 сентябрь куни Эронга қарши қўшимча санкциялар жорий қилиб, Теҳроннинг "террор учун нефть" тармоғи бўйича фойдали маълумотлар учун мукофот эълон қилди.
Молия департаментининг маълум қилишича, янги санкциялар Эрон инқилобий гвардиясининг хориждаги бўлими ҳисобланмиш "Қудс" кучлари ҳамда Эрон қўллаб келаётган "Ҳизбуллоҳ" ҳаракатига алоқадор 25 ташкилот ва 11 кемага қарши жорий қилинди.
АҚШ Давлат департаментининг Эрон бўйича махсус вакили Браян Ҳук:
- Бу тармоқ юз миллионлаб доллар қийматга эга ноқонуний нефтни ташиган. Бу йўл билан олинган пул терроризмни молиялаштиришга сарфланади, - деди.
Молия департаментига кўра, ушбу тармоқ баҳорнинг ўзида 10 миллион баррелга яқин нефтни манзилига - асосан Сурияга элтиб берган.
Санкция жорий қилинганлар орасида собиқ нефть вазири Растам Қосимий ҳамда унинг ўғли Муртазо ҳам бор.