Россиянинг Барнаул шаҳар аэропортига қўнаётган самолёт қўниш пайтида носозликка учрагани оқибатида йўловчиларидан 23 нафари жароҳатланди.
Azur Air авиаширкатига қарашли Boeing 767-300 самолёти Вьетнамдан Барнаулга учган эди. Унинг бортида жами 371 одам бўлган. Қўниш пайтидаги носозлик оқибатида жароҳатланганлардан 5 нафари касалхонага олиб кетилди. Қолганларнинг жароҳатлари жиддий эмаслиги айтилмоқда.
Авиаширкатнинг билдиришича, қўниш пайтида самолёт шассисининг ўнг тутқичи ёна бошлаган. Шунинг учун учувчилар самолётни кескин тўхтатишга мажбур бўлганлар.
Айни пайтда ҳодиса юзасидан текширув ишлари олиб борилмоқда. Мазкур самолёт фойдаланишга 29 йил олдин топширилган бўлиб, бундан аввал у "Трансаэро", Air France и Lauda Air ширкатлари томонидан фойдаланилган.