Президент Владимир Путин 2 октябрь куни Москвада бошланган Россия энергетика ҳафталиги доирасида журналистлар билан мулоқот қилар экан, ўз ҳукумати ҳеч қачон ғарбдан санкцияларни бекор қилишни сўрамаслигини таъкидлади.
-Мен бундай илтимос билан ҳеч қачон ҳеч кимга мурожаат қилмаганман ва мурожаат қилмайман ҳам. Бунинг бир қанча сабаблари бор. Аввало, бундай илтимос қилиш бефойда бўлур эди. Муносабатларнинг яхшиланиши томонларнинг ўзаро бир-бирларини тушунишларига боғлиқдир. Иккинчидан, санкцияларга ҳеч қандай асос йўқ. Асоснинг ўзи йўқ, - деди Путин.
30 сентябрь куни Вашингтон Россия АҚШдаги сайловларга аралашгани юзасидан янги тафсилотлар пайдо бўлгани ортидан бу мамлакатга нисбатан янги санкцияларни жорий қилган эди.