НАТО Украинага ҳарбий ёрдам миқёсини кенгайтиришга чақиради. Бу ҳақда НАТО Бош котиби Йенс Столтенберг Брюсселда бўлиб ўтган матбуот анжуманида билдирди.
Столтенбергга кўра, Украинани дастаклаш масаласи яқин кунларда мудофаа вазирлари учрашувида муҳокама қилинади. У НАТО кенгаши аъзолари бир ҳафтадан сўнг Украинага ташриф буюришини, экспертлар Одесса ва Киевга бориб, Украина армиясининг бугунги аҳволи билан танишишини қўшимча қилди.
Сурия-Туркия чегараларини биргаликда қўриқлаш борасида Россия ва Туркия ўртасида эришилган сўнгги келишувни изоҳлаган Столтенберг юз бераётган ходисаларга баҳо беришга вақт эрта эканлигини урғулади. Айни пайтда НАТО бош котиби вазият ривожи оптимизм улашаётгани, чунки томонлар можарони сиёсий йўллар билан ҳал қилишга уринаётганини қайд этди.