Ўзбекистон Республикаси Президенти Шавкат Мирзиёев 3 декабрь куни Тожикистон Республикасининг пойтахти - Душанбе шаҳри раиси Рустам Эмомалини қабул қилди.
Бу ҳақда хабар қилган давлат раҳбари расмий сайтига кўра, Душанбе шаҳри раиси Рустам Эмомали қабул учун самимий миннатдорлик билдириб, Тожикистон Республикаси Президенти Эмомали Раҳмоннинг саломи ва энг эзгу тилакларини етказган.
Учрашувда икки қўшни мамлакат пойтахтлари Тошкент ва Душанбе ўртасида ўзаро манфаатли ҳамкорликни кенгайтиришнинг амалий жиҳатлари муҳокама қилингани хабар қилинди.
Душанбе шаҳри раиси Рустам Эмомали Тожикистон Республикаси Президенти Эмомали Раҳмоннинг катта ўғлидир.
Эмомали Раҳмон 2017 йил, 12 январь куни Рустам Эмомалини Душанбе мэри этиб тайинлаган эди.