Халқаро футбол федерацияси – FIFA ташкилотнинг собиқ президенти Йозеф Блаттер ва Европа футбол ассоциациялари иттифоқи – UEFA собиқ раҳбари Мишел Платини устидан Швейцария судига ариза берди.
FIFA Блаттер бундан саккиз йил олдин Платинининг банк ҳисобига ўтказиб берилган икки миллион доллар маблағнинг қайтарилишини талаб қилмоқда.
2015 йилда айни мана шу икки миллион доллар жанжали ортидан Блаттер FIFA президенти лавозимидан истеъфо беришга мажбур бўлганди.
FIFA жами 14 одамни коррупцияда айбламоқда. Платини ҳам, Батлер ҳам терговчилар томонидан бир неча марта сўроқ қилинган, бироқ бу икки шахсга нисбатан расмий айблов билдирилмган.
Хабарларга қараганда, коррупция жанжали Россия ва Қатарда футбол бўйича жаҳон чемпионатларини ўтказиш масаласи билан боғлиқ. Бу икки мамлакат чемпионатни ўтказиш ҳуқуқини қўлга киритиш учун пора берганликда гумонланмоқда.