25 декабрь куни Рим папаси Франциск ўзининг Мавлуд байрами муносабати билан сўзлаган табригида муҳожирлар ва қочқинлар тақдирига тўхталиб ўтди.
- Уларни қабристонга айланувчи чўл ва денгизни кесишга адолатсизлик мажбурлайди. Уларни айнан адолатсизлик таърифлаб бўлмайдиган зўравонлик, турли хил қуллик ҳамда ушлаб туриш лагерларида қийноқларга чидашга мажбурлайди, - деди папа ўз табриги давомида.
- Адолатсизлик уларни муносиб ҳаётга умид боғлаган ерларидан воз кечишга мажбурлайди, аммо улар бунинг ўрнига лоқайдлик деворига уриладилар, — дея сўзини давом эттирди папа Франциск.
Рим папаси Франциск анъанавий табригини Ватиканнинг Авлиё Пётр майдонида тўпланган минглаб одам олдида сўзлади.
Рим папаси жаҳондаги 1,3 миллиард католикнинг етакчисидир.