Маданият вазирлиги оммавий томоша ва тадбирлар чипталари чайқовчиларига қарши кураш эълон қилмоқда.
Бу ҳақда вазир Озодбек Назарбеков баёнот бергани тўғрисида gazeta.uz хабар қилди.
«Тез орада Ягона электрон чипталар операцияси тизими ишга тушади. Ана кейин кассабоп томошалар учун чипталарнинг қўлга чиқиб кетиши камаяди, деб ўйлайман», деган вазир.
Айтилишича, вазир тилга олган тизим чипталар олди-сотдиси билан шуғулланувчи онлайн майдон эмас, балки шу соҳани тартибга солувчи регулятор бўлади.
Таъкидланишича, тизим синов-тажриба тариқасида март ойидан ишга тушади. Платформа орқали вазирликка қарашли барча муассасалар, яъни театр, музей, айрим санъат саройларига чипта сотиб олиш мумкин бўлади.