Ўзбекистон Ташқи ишлар вазирлигининг билдиришича¸ мамлакатдаги чет эл фуқароларини Ўзбекистон ҳудудидан олиб чиқиш учун чартер рейслари ташкил этиш уч кунга қолдирилган.
Вазирлик бундай қарорга “ҳозирги эпидемиологик вазият шароитида “Uzbekistan Airways” авиакомпанияси экипажининг ноқулай ҳолатдаги мамлакатлардан қайтганидан сўнг карантинга олингани”ни сабаб қилиб келтирган.
Айтилишича¸ чартер рейсларнинг аниқ куни ва вақти расмий каналларда эълон қилинади.
Ҳозирча ўз чегараларини ëпиб¸ пойтахт Тошкентга кириб-чиқишни ҳам тўхтатишга қарор қилган Ўзбекистонда қанча хориж фуқароси борлиги ва улар учун айнан қайси маршрутларда чартер рейслари ташкил этилиши очиқланмади.
Айни пайтда¸ хориж¸ хусусан¸ ўзбекистонлик меҳнат муҳожирлари кўп бўлган Россия ва Туркия каби давлатларда ватанга қайтиш учун чартер рейслари кутаëтган минглаб ўзбекистонликлар оғир аҳволда қолмоқда.