АҚШда Озод Европа-Озодлик радиосининг собиқ президенти Жин Пелл 83 ёшида вафот этди. Бу ҳақда 15 апрель куни хабар берилди.
Эрнест Юджин Пелл 1937 йилда Кентуккида телеинженер оиласида туғилган. У ёшлигиданоқ радиога қизиқа бошлаган. Талабалик даврида Гарвард университети радиоэшиттиришларини олиб борган.
Денгиз флотида хизмат қилганида Қуролли Кучлар радиосининг дастурлаш бўлимини бошқарган. Бостон университетида журналистика магистри дипломини олганидан сўнг, Бостон, Вашингтон ва Лондон радиоларида репортёр, бошловчи ва бўлим бошлиғи бўлиб ишлаган.
1978-180 йилларда NBCнинг, кейинроқ “Америка овози”нинг Москвадаги мухбири бўлган. 1985 йилдан 1992 йилгача Озод Европа-Озодлик радиосини бошқарган.