Туркия коронавирусга чалинганлар сони бўйича касаллик тарқалишининг илк пайтларида олдинда бўлган Хитой ва қўшни Эрондан ўзиб кетди.
Сўнгги маълумотларга кўра, айни пайтда Туркияда 86 минг 306 кишининг коронавирус юқтириб олгани тасдиқланган. Бу кўрсаткич Хитойда 82 минг 747 нафарни, Эронда эса 83 минг 505 нафарни ташкил этмоқда.
Айни пайтда Туркияда коронавирус туфайли қурбон бўлганлар сони 2 минг 17 кишини ташкил этмоқда. Бу рақам Эрондаги кўрсаткичдан 2,5 баробар (5209 киши), Хитойдаги кўрсаткичдан эса камида 2 баробар (4632 киши) камдир.