Коронавирус пандемияси оқибатида даромади камайиб, очарчиликка дучор бўладиганлар сони 2020 йилда икки баробарга кўпайиши мумкин. Бу ҳақда 21 апрель куни Бирлашган Миллатлар Ташкилотининг Озиқ-овқат дастури ҳисоботида маълум қилинди.
“Озиқ-овқатга ўта муҳтож бўладиганлар сони 2020 йилда 265 миллионга етади. Бу 2019 йилга солиштирганда 130 миллион кишига кўпдир”,-дейилади ҳисоботда.
Ҳисоботда таъкидланишича, очарчиликка маҳкумлар сонининг кўпайишига асосий сабаб коронавирус пандемияси оқибатида туризм соҳасининг инқирозга учрашидир.
Шундан келиб чиққан ҳолда, ҳисобот муаллифлари жорий йилда озиқ-овқат дастури учун 10-12 миллиард доллар маблағ ажратилиши зарурлигини билдиришмоқда. Ўтган йили бу дастур учун 8 миллиард 300 миллион доллар ажратилган эди.