Россияда сўнгги 24 соат ичида коронавирусга чалингани аниқланганлар сони 7933 тага етди ва бу ҳозирга қадар кунлик рақамдаги ўзига хос рекорддир.
Мамлакатда вирус юқтиргани расман қайд этилганларнинг жами сони 1 майга келиб¸ 114 431 тани ташкил этади.
Россия расмийларига кўра¸ 1 майга қадар коронавирусдан ўлганлар сони 1169 тага етган¸ улардан 96 таси сўнгги 24 соат ичида қайд этилган.
Айни пайтда ҳукумат танқидчилари ва мустақил мутахассислар¸ Россияда COVID-19 вирусидан ўлаëтганлар сони бундан бир неча баравар кўплиги¸ аксар ўлимнинг "пневмониядан ўлди" деб қайд этилаëтганини айтмоқда.
Мамлакатда коронавирусга оид рақамлар ўсиб бораëтган бир пайтда¸ мамлакат Бош вазири Михаил Мишустин ҳам ўзида вирус аниқланганини билдирди.
Россия ҳукумати ҳозирда раҳбари номи очиқланмаган касалхонада даволанмоқда.
Ҳукумат фаолиятининг узлуксиз давом этиши учун Путин Бош вазир 1-ўринбосари Андрей Белоусовнинг муваққат Бош вазир сифатида ишлашига оид қарор имзолади.
Ўзини вирусдан ҳимоялаш мақсадида Путин ва ҳукуматнинг бир қатор раҳбарлари масофавий ишлашга ўтган.