Қозоғистон Соғлиқни сақлаш вазирлиги 11 май куни Чимкентда коронавирусга чалинган 65 ёшли аёл оламдан ўтганини маълум қилди. Бу Қозоғистонда COVID-19 тарқала бошлаганидан бери хасталик туфайли жон берган кишиларнинг ўттиз иккинчи эди.
Расмий маълумотларга кўра, айни пайтгача коронавирусга чалинган сони 5 минг 160 кишига етган, 2 мингдан зиёд одам соғайиб кетган.
11 майдан мамлакатда фавқулодда вазият тартиби бекор қилинган. Расмийлар карантин чоралари “босқичма-босқич” бекор қилинишини билдирганлар.