АҚШ президенти Дональд Трамп сайлов штабининг собиқ раҳбари Пол Манафорт коронавирус юқиш хавфи ва ёши катталиги туфайли қамоқхонадан уй қамоғига ўтказилди. Бу ҳақда АҚШ матбуоти унинг адвокатларидан олинган маълумотларга таянган ҳолда хабар қилмоқда.
71 ёшли Манафорт ўтган йил охирида юраги билан боғлиқ муаммолар сабабли касалхонага тушиб қолган. 2020 йил бошида у бронхитни бошидан кечирган.
АҚШ Бош прокурори Уильям Барр аввалроқ COVID-19 хавфи важидан маҳкумларни қамоқхонадан уй қамоғига ўтказишни кўзда тутган директивасини эълон қилганди.