Жорий йил кузида Туркиянинг Бурса шаҳрида бўлиб ўтиши керак бўлган IV Жаҳон кўчманчи ўйинлари 2021 йилга қолдирилди. Бу ҳақда АКИpress ахборот агентлиги Қирғизистон Ёшлар, жисмоний тарбия ва спорт ишлари бўйича давлат агентлигидан олинган маълумотларга таянган ҳолда хабар қилади.
Кўчманчи ўйинларининг кейинга сурилишига коронавирус пандемияси сабаб бўлган.
Жаҳон кўчманчи ўйинлари бу гал илк бор Туркияда бўлиб ўтиши кутилаётганди. Аввалги уч ўйин Қирғизистонда ўтказилган.
2014 йилдан бери ўтказиб келинаётган бу ўйинларда ўзбекистонлик спортчилар ҳам энг бошидан бери иштирок этиб келадилар.