Россия жаҳондаги бирорта мамлакатда йўқ бўлган қуролга эга. Бу ҳақда президент Путин 17 май куни “Россия-1” телеканалидаги "Москва. Кремль. Путин" кўрсатувида маълум қилди.
“Бу мутлақо эришиб бўлмайдиган иш эди. Лекин биз буни амалга оширдик. Бундай муваффақиятга фундаментал илмсиз, илмий мактабларсиз ва инженер мутахассисларсиз эришиб бўлмас эди”, деди Путин.
"Коммерсантъ" газетасининг ёзишича, аввалроқ Путин ва АҚШ президенти Дональд Трамп телефон орқали қуролларни назорат қилиш масаласини муҳокама қилган. Муҳокама пайтида Трамп Путинни қуролланиш пойгасига йўл қўймасликка чақирган.
Газетанинг таъкидлашича, Россия қурол ишлаб чиқариш бўйича жаҳонда АҚШдан кейинги иккинчи ўринни эгаллайди.