Туркияда коронавирус билан боғлиқ вазият туфайли яна комендантлик соати жорий этишга қарор қилинди. Бу ҳақда мамлакат президенти Ражаб Тоййиб Эрдўғон 18 май куни билдирган.
Комендантлик соати 23 майдан 26 майгача, яъни Рамазон ҳайити тугагунига қадар мамлакатнинг барча вилоятларида амалда бўлади.
Онадўли агентлиги хабарига кўра, Туркия президенти 15 вилоятда ҳаракат чеклови яна 15 кунга узайтирилишини ҳам билдирган.
Туркияда аввал 11–12, 18–19 ва 23–26 апрель кунлари ҳамда 1–3, 9–10 ва 16–19 май кунлари ҳам комендантлик соати жорий қилинганди.
Соғлиқни сақлаш вазирлиги маълумотларига кўра, мамлакатда коронавирус инфекциясини юқтириб олиш билан боғлиқ ҳолатлар 150 мингдан ошган,COVID-19 қурбонлари сони эса 4199 нафарга етган. Айни пайтда 113 минг чоғли бемор соғайиб кетган.