Қирғизистонда ўтган бир сутка давомида коронавирусга чалинган яна бир бемор вафот этди. Бу билан мамлакатда коронавирусдан ўлганлар сони 23 кишига етди.
Соғлиқни сақлаш вазирининг ўринбосари Нурбўлўт Усўнбаевнинг 8 июнда маълум қилишича, Норин вилоят касалхонасида 67 ёшдаги бемор вафот этган.
“У уйида даволанмоқчи бўлган ва тиббиёт ходимларига мурожаат қилмаган. 5 июнь куни оғир аҳволда касалхонага олиб келинган. Кўрсатилган тиббий ёрдамга қарамай, у 7 июнда вафот этган”,- деди вазир ўринбосари.
8 июнь ҳолатига кўра, Қирғизистонда коронавирусга чалинганлар сони 2032 кишига етган. Улардан 1445 киши соғайган.