Британия полицяси АҚШда афроамерикаликнинг оқ танли полициячи томонидан ўлдирилиши ортидан қайта бошланган норозилик намойишларида 113 киши қўлга олинганини билдирди.
13 июнда бошланган намойишлар асосан тинч ўтди, бироқ намойшчиларнинг айрим гуруҳлари “зўравонлик ўчоқлари”ни пайдо қилиб, полициячиларга ҳужумлар уюштирган.
Лондон полицияси бошлиғи Бас Жавиднинг 14 июнда билдиришича, ҳужумлар оқибатида 23 полициячи енгил тан жароҳатлари олган. Бош вазир Борис Жонсон зўравонликларни қоралади.
Афроамерикаликнинг оқ танли полициячи томонидан ўлдирилиши ортидан АҚШда 25 майдан сўнг бошланган намойишлар жаҳоннинг бошқа давлатларида ҳам ўз қўлловчиларини топди. Жумладан, 14 июнда Германияда ҳам минглаб қишилар намойишга чиқди.
25 май куни АҚШнинг Миннеаполис шаҳрида оқ танли полициячи томонидан афроамерикалик Жорж Флойднинг ўлдирилиши Америкада ва дунёнинг кўплаб мамлакатида ўн кунлаб давом этган норозилик намойишларига сабаб бўлди.
12 июнда эса АҚШнинг Атланта шаҳрида полиция зобити бошқа бир афроамерикаликни фастфуд ресторани олдида отиб ўлдирди. 27 ёшдаги Райшард Бруксни полиция ходими ўлдиргани тўғрисидаги хабар ортидан намойишчилар кўчаларни тўсиб, Брукс ўлдирилган ресторанга ўт қўйди.