АҚШда 24 июнь куни коронавирусга чалинганлар сони рекорд даражага етди. Билдирилишича, бу ерда бир кунда 34 700 кишида COVID-19 аниқланди.
Техас губернатори одамларни уйда қолишга чақирди. Бу штатда коронавирусга “оммавий чалиниш” ҳолатлари аниқланганди.
Аризона губернатори одамларни маска тақиб юришга чақирди. Флоридада эса бир кунда 7 минг киши коронавирусга чалинди.
COVID-19 АҚШда 120 мингдан кўпроқ, жаҳонда 480 мингдан кўпроқ кишининг ўлимига сабаб бўлди.
Бразилияда ҳам вазият мураккаблигича қолмоқда. 24 июнда бу ерда камида 42 минг одамда вирус топилди. Бир кунда коронавирусдан 1185 киши вафот этди.