Бутун жаҳонга машҳур бўлган бастакор Эннио Морриконе Римдаги касалхонада оламдан ўтди.
Бу ҳақда хабар қилган ANSA ахборот агентлигига кўра, 91 ёшли бастакор у ерга сон суяги сингани важидан бир неча кун муқаддам етказилганди.
Эннио Морриконе ҳаёти давомида 500 дан зиёд фильм ва сериалга мусиқа ёзган.
Бастакор ўз асарлари учун икки марта “Оскар” мукофотини олган, уч марта “Олтин глобус” мукофотига сазовор бўлган, олти марта BAFTA лауреатига айланган. Кино санъати учун мусиқа ёзиш ва аранжировка қилишга Морриконе 33 ёшидан кейин киришган.