Коронавирусга чалингани ортидан вафот этганлар сони дунё бўйлаб 605 205 нафарга етди. Бу рақам Жонс Ҳопкинс университети статистикасида акс этган.
Университет тақдим этган маълумотларга кўра, айни пайтда жаҳонда COVID-19 инфекцияси юқтириб олганларнинг умумий сони 14,5 миллионга яқинлашиб қолган.
Ўлим ҳолатлари бўйича дунёда биринчи ўринда АҚШ боряпти. Бу ерда 3 773 206 киши коронавирусга чалинган, инфекция туфайли 140 мингдан зиёд бемор вафот этган.
Беморлар сони 2 миллиондан ошган Бразилияда вафот этганлар сони 80 мингга яқинлашган.
Ўлим сони бўйича дунёда учинчи ўринда Буюк Британия (45 мингдан зиёд) бормоқда. Айни пайтда бу мамлакат хасталикка чалинганлар сони бўйича 9-ўринни эгаллаб турибди.