Қозоғистонда ўтган кеча-кундузда коронавирусга чалиниш билан боғлиқ 1630 та янги ҳолат қайд этилган. Бу ҳақда 21 июль куни мамлакат Соғлиқни сақлаш вазирлиги маълумот тарқатди.
Хасталаниш ҳолатлари энг кўп Олмаота шаҳри (251 та) ва пойтахт Нур-Султонда (248 та) қайд қилинган. Шу тариқа Қозоғистонда инфекция юқтириб олганлар сони 73468 нафарга етган, улардан 45376 нафари соғайган.
Қирғизистонда эса бир кеча-кундузда COVID-19 билан боғлиқ (U07.1 ва U07.2 кодлари остида) 1108 та ҳолат тасдиқланган. Бу ҳақда 21 июль куни Бишкекда ўтказилган брифингда Соғлиқни сақлаш вазирлиги расмийси Айнура Ақматова билдирди.
Унга кўра, хасталаниш ҳолатларининг учдан бири пойтахт Бишкек ҳиссасига тўғри келади.
Эпидемия бошланганидан бери Қирғизистонда инфекция юқтириб олганлар сони 28251 нафарга етган, улардан 14776 нафари соғайиб кетган.