Twitter корпорацияси 6 август куни давлат идоралари, юқори лавозимли амалдорлар, давлат ОАВ ва давлат билан боғлиқ нашрлар, уларнинг бош муҳаррирлари ва асосий вакилларининг ижтимоий тармоқдаги аккаунтларига белги қўйиб бориши ҳақида эълон қилди.
Корпорация хабарномасида айтилишича, бу иш Twitter фойдаланувчилари ва давлат вакиллари ўртасидаги мулоқотни осонлаштириш ҳамда кўпроқ шаффофлик бўлиши учун қилинган.
Ҳозирда БМТ Хавфсизлик кенгашининг доимий аъзолари бўлган беш мамлакат, шу жумладан Россияга алоқадор аккаунтларгагина белги қўйилмоқда.
Давлат раҳбарларининг шахсий аккаунтларига (шу жумладан АҚШ президенти Дональд Трамп аккаунтига) белги қўйилмаган, бироқ, масалан, Оқ уй ёки Британия бош вазири расмий аккаунтларида бундай белгилар бор.
PM @BorisJohnson visited a housebuilding site near Warrington today. We’re going to reform the planning system to help communities build the homes and infrastructure they need more quickly and sustainably. https://t.co/4NOm5S78Lb pic.twitter.com/aQMHlnIlGR
— UK Prime Minister (@10DowningStreet) August 6, 2020
Давлат ёки давлат билан боғлиқ оммавий ахборот воситалари ўлароқ давлат бевосита редакцион назоратни амалга оширадиган оммавий ахборот воситалари ҳисобланади. Агар ОАВ таҳририятлари, улар ҳатто давлат маблағлари ҳисобидан молиялаштирилаётган бўлсалар ҳам, мустақил равишда фаолият кўрсатаётган бўлсалар, уларга бунақа белги қўйилмайди. Бу каби белгилар, хусусан, Россиянинг RT телеканали, унинг бош муҳаррири Маргарита Симоньян, “РИА Новости” агентлиги, ТАСС агентлиги, Хитойнинг Синьхуа агентлиги ҳамда инглиз тилидаги “Жэньминь жибао” аккаунтларига қўйилган.
Lan Jingxuan gifts Guoan an own goal in the Beijing based club%27s 3-1 win to their Tianjin rivals, while two penalties tie the game between Shanghai SIPG and Qingdao Huanghai. https://t.co/zN81UR2KvW pic.twitter.com/WMJmP9sTds
— Xinhua Sports (@XHSports) August 6, 2020
Аввалроқ шу каби сиёсатни Facebook корпорацияси жорий қилганди.