Ўзбекистондан 1 сентябрдан бошлаб хорижга рухсатномасиз ва декларациясиз 9750 долларни нақд пул кўринишида олиб чиқишга рухсат берилади. Бу борада Вазирлар Маҳкамаси 10 августда қарор қабул қилди.
Қарорга асосан, жисмоний шахслар мамлакатдан 100 миллион сўмгача эквивалентдаги нақд хорижий валютани ҳеч қандай рухсатномасиз олиб чиқиш мумкин, Бундан ташқари 70 миллион сўмгача бўлган эквивалентдаги маблағ учун декларация талаб қилинмайди.
Айни пайтда 100 миллион сўм 9750 долларга, 70 миллион сўм эса 6800 долларга тенг.
Ҳозирги кунда Ўзбекистондан рухсатномасиз 5000 долларгача, декларациясиз эса 2000 долларгача миқдордаги нақд хорижий валютани олиб чиқиш мумкин.